ذكرى حزينه في ثرى صمت مدفون****قصه غرامي لوعتها سنيني
كانت بدايتها ألم همّ وطعون**** لين انطوى
في دفتر الياس حيني
يوم السعد في ناظري بات مسجون****وش لي بحب آخره دمعتيني
دمعه فرح كانت غلى عيني تمون****ماكنت اطاوع مسحها في يديني
ودي تعيش وتزرع احلامي ضنون****حلم اشوفه بالسعاده دفيني
ودمعه غريبه بكّت عيون وعيون****ماقدّرت شوق سرى به حنيني
لاواحسافه حب من عاش مفتون****وآخر حياته يصبح الحب شيني
بدايتي كانت معه حب مجنون****شمّلت يوم الناس تمشي يميني
كان الحبيب اللي حلف انه يصون****سرّ دفنته من عنى الشوق فيني
كان المنى والروح والنفس والعون****وكانت ليالي غربته تحتريني
وشلون اعيد اللي مضى كيف وشلون؟؟****هدّيت حلم كان بينك وبيني
انسى ليالي عشرتي وانت ممنون****مابي اشوفك يوم قدام عيني
الشاعر/ صالح البليطيح
للعوده اضغط على الزر