|
|
|
اجمل
ماقرأت من أبيات |
لو صحيح ان المحبين يجمعهم مصير *** كان نفس اللي حرمني من النوم حرمه
والله ان مروّتي ولّعت فيني سعير *** يوم شفته تلّ قلبي وداسه بقدمه
قبلك وقلبي ماعرف حب وهيام *** الحب قبلك مايداعب خياله
ان غبت عنّي ماتهنّا ولا انام *** والشوق في غيابك يزيد يزيد اشتعاله
هنا مات حب ...ويبس قلب...وتملت عين*** من الملح ..وأدفنت حكايه فرح وآمال
وجيتي تبين نرجّع اللي مضى هالحين..؟؟*** أنا من ثلاث سنين بطلت لعب عيال
جا...نهار الخميس وفات يوم الربوع *** والوعد طاف والاقدام مشقينها
حفيت اقدامنا والعين تذرف دموع *** فرقا الاحباب لو يومين ياشينها
الى تبسم ثغرها لذت بحماه *** تضحك..ويضحك في عيوني زماني
وان سولفت قام الغلا يسحب خطاه ***حتى سوالفها بعد شي ثاني
ياكبرها يارفيقي طيحه الشاطر *** لاضاع دربه ولاحصل طواريقه
في ضيقه الصدر ولا ضيقه الخاطر *** والله مدري ولكن ضيقه بضيقه
ليله وداعك على كثر الحروف الأبجديه *** مالقى من ودعك حرفين ينطقها لسانه
قالت لي بنساك قلت الله يهنيك وهنيه *** واحد خلاك من ربك تنساني عشانه
عقب المعزة صار كنّا دراويش *** الكل منا خبزته في يمينه
عاد به قهوة ولاعاد به هيل *** ولاعاد به فطحه خروف سمينه
غديت مثل العود مشراه غالي *** وغلاه لاجله يحرقونه على النار
تشوف دخانه يجي له ظلالي *** ويروح ماكنه تكون ولا صار
يامقفي عني مثل باقي الناس *** شف خافقي ماهزته ذكرياتك
يامعذبي ماعاد لك فيّ حاجه *** ماني على خبرك سواليف ومزوح
جرح مع الايام تلقى علاجه *** وبعض الجروح علاجها نزعه الروح
ان كان قدري في عيونك قصيده *** عديني اجمل ماقريتي من ابيات
يازارع الورده على الصخر غلطان*** مثل الذي ينقش على الماء قصيده
بمتع عيوني بشوفه عيونك ***اخاف من يوم اجي فيه ما القاك
اوصيت منهو يحفر القبر ويذريني *** يكتب على النصب مات وله بكم حاجه
من شفايفها صباح الخير شكل ثاني *** آه لو تدري وش تسوي صباح الخير فيا
رح للقمر وافرش على سطحه بساط *** وخل الحثال ان كان به خير يرقى